Back Tropiese sikloon Afrikaans Ciclón tropical AN उष्णकटिबंधी चक्रबात ANP إعصار استوائي Arabic Ciclón tropical AST Tropik siklon Azerbaijani تروپیک سیکلون AZB Тропик циклон Bashkir Tropischa Wiabeschtuam BAR Truopėnis cikluons BAT-SMG
E dropische Wirbelsturm isch e Diefdrucksüsteem mit ere organisierte Konwekzioon, schwere Gwitter und ere zuenige Bodewindzirkulazion um s Zentrum ume. Dropischi Wirbelstürm entstöön mäistens nume in de Drope oder Subdrope. Wäge dr Coriolischraft dräije si sich zyklonal. Das häisst, uf dr Südhalbchuugele dräije sich dropischi Wirbelstürm im Uurzäigersinn und uf dr Nordhalbchuugele gegen e Uurzäigersinn. Die Rotazion isch au d Ursach vo de tüpische Wulkebänder, wo in dr Form von ere Spirale aagordnet si. D Windgschwindikäit vom ene dropische Wirbelsturm cha über 300 km/h erräiche. D Fortbewegigsgschwindikäit vom Diefdrucksüsteem isch aber nume 15–30 km/h.
Dropischi Wirbelstürm chönne e Durchmässer vo hunderte vo Kilometer ha. Si bestöön über em Meer mäistens e baar Dääg bis zwäi Wuche. Wenn si uf Land dräffe, chönne si uf duusige vo Kwadratkilometer groosse wirtschaftlige Schaade aarichde.